انسان کا یوزر مینوئل

انسان کوئی شئے ایجاد کرے 

تو اس ایجاد کے درست استعمال اور 

غلط استعمال کے نتیجے میں ممکنہ نقصانات سے بچنے کے لیے ساتھ یوزر مینوئل " User Manual" ہوتا ہے ۔ اور کوئی بھی فرد اس پر اعتراض نہیں کرتا کہ یوزر مینوئل ساتھ کیوں رکھا ہے ہم اپنی عقل استعمال کر کے اس ایجاد کو استعمال کریں گے ۔ 

کیونکہ سب جانتے ہیں کہ جس مؤجد نے اس شئے کو ایجاد کیا ہے وہ بہتر جانتا ہے کہ اس ایجاد کا درست مصرف کیسے ممکن ہے اور کن کن چیزوں کی وجہ سے یہ ایجاد نقصان دہ ثابت ہو سکتی ہے ۔ 

یونہی 

بلاتشبیہ 

انسان اللہ تعالٰی کی مخلوق ہے اور انسان کے لیے یوزر مینوئل "دین اسلام" کی صورت میں اللہ تعالٰی نے دیا ہے جس میں انسانی زندگی کے ہر پہلو کے متعلق راہنمائی موجود ہے۔ یہ "یوزر مینوئل" انسان کے لیے درست طریقے سے زندگی بسر کرنے اور اس کے برخلاف جانے کی وجہ سے پیدا ہونے والے نقصانات سے بچنے کے لیے ہے۔ 

 تاریخ عالم اس بات کی گواہ ہے کہ جب تک انسانیت اس کے ماتحت رہی امن و امان میں رہی ۔ جونہی انسانوں نے اس سے تجاوز کرتے ہوئے اپنی عقل کو اس پر فوقیت دی دنیا میں فساد برپا ہو گیا جس سے ہر صاحب فہم و دانش بخوبی واقف ہے۔ 

جس میں انسانیت کا وحشایہ انداز میں قتل ، غارت گری ، دوسروں کے وسائل پر قبضہ ، خط غربت سے بھی نیچے انسانوں کی ایک بڑی تعداد ، فطرت کے حسن کی پامالی اور بے شمار دیگر قباحتیں شامل ہیں ۔ 

اور ان کی وجہ یہ ہے کہ 

انسانوں نے خالق کی طرف سے دیے گئے "یوزر مینوئل " کو چھوڑ کر اپنی محدود عقل اور خواہشات نفسانیہ کو اپنا الٰہ بنا لیا ہے ۔